«Եթե ներկայիս ղեկավարությունը շարունակի այն, ինչ անում է, կասկածի տակ կդնի Ուկրաինայի պետականության ապագան». Պուտին
Ուկրաինայում միջուկային զենքի հնարավոր տեղակայման մասին խոսակցությունները կարող են լինել երկրի ապագայի կորստի հնարավոր պատճառ։ Այս մասին հայտարարել է ՌԴ նախագահ Վլադիմիր Պուտինը «Ռոսիա 24» հեռուստաալիքի եթերում։
«Մարդիկ, որոնք չեն ցանկանում դա հասկանալ, հատկապես ներկայիս ղեկավարությունից, պետք է հասկանան, որ եթե շարունակեն այն, ինչ անում են, կասկածի տակ կդնեն Ուկրաինայի պետականության ապագան»,- ասել է պետության ղեկավարը։
Նա հավելել է, որ ուկրաինական պետականության հավանական կորուստը «ամբողջությամբ իրենց խղճի վրա կլինի»։
