Չինաստանում կորոնավիրուսի դեմ պատվաստված է բնակչության ավելի քան 85 տոկոսը
Չինաստանի բնակիչների ավելի քան 85 տոկոսն ավարտել է կորոնավիրուսի դեմ պատվաստման գործընթացը: Այս մասին հայտնում է ՏԱՍՍ-ը:
1.41 մլրդ բնակչություն ունեցող Չինաստանում առաջնահերթ խմբերի պատվաստման գործընթացը սկսվել է 2020 թվականի դեկտեմբերի 15-ից: Երկրի համաճարակաբան Շաո Իմինը հայտնել էր, որ հավաքական իմունիտետ ձեռք բերելու համար անհրաժեշտ է լիարժեք պատվաստել Չինաստանի բնակչության 80-85 տոկոսը:
