Թուրքիան ավելի քան 3000 ոստիկան կգործուղի Կատար
Թուրքիան 2022-ի աշնանը Կատարում անցկացվելիք ֆուտբոլի աշխարհի առաջնության ընթացքում անվտանգության ապահովման համար այդ երկիր կգործուղի ոստիկանության 3251 ծառայողի: Այս մասին տեղեկացնում է ermenihaber.am-ը։
Այս գործուղումը պետք է տեղի ունենա 2 երկրների միջև կնքված «Լայնածավալ միջոցառումների կազմակերպան գործում համագործակցության մասին» մտադրությունների հուշագրի շրջանակներում:
Նախօրեին հուշագիրը քննարկվել և հաստատվել է Թուրքիայի խորհրդարանի (մեջլիս) արտաքին հարաբերությունների հանձնաժողովում: Ավելի ուշ այն կընդունվի նաև լիագումար նիստի քվեարկությամբ:
Թեմայի վերաբերյալ մեջլիսում մանրամասներ է հայտնել Թուրքիայի փոխարտգործնախարար Սեդաթ Օնալը՝ հայտնելով, որ գործուղվող խմբի մեջ ներառված են լինելու նաև հատուկ նշանակության թիմեր, ականազերծող մասնագետներ և այլ ստորաբաժանումներ:
