Ժամանակավորապես դադարեցվել է Արմավիրի մարզի Էջմիածին քաղաքի մի հատվածի և մի շարք գյուղերի գազամատակարարումը
Վթարավերականգնման աշխատանքներ իրականացնելու նպատակով մարտի 2-ին ժամը 15:45-20:00-ն դադարեցվել է Արմավիրի մարզի Էջմիածին քաղաքի մի հատվածի գազամատակարարումը:
Այս մասին հայտնում են «Գազպրոմ Արմենիա» ՓԲԸ-ից, մանրամասնելով, որ դադարեցվել է նաև Զվարթնոց թաղամասի, Ծիածան, Ծաղկունք, Հովտամեջ, Մրգաստան, Դողս, Աղավնատուն, Արագած, Ծաղկալանջ, Շահումյան, Դաշտ, Այգեշատ, Շահումյանի թ/ֆ, Ամբերդ գյուղերի գազասպառողների գազամատակարարումը:
