Ռուսաստանցի ավիափոխադրողներին զրկել են Airbus-ի ինքնաթիռների պահեստամասերից
Reuters-ի փոխանցմամբ՝ ինքնաթիռներ արտադրող Airbus եվրոպական ընկերությունը դադարեցրել է աջակցությունը ռուսական ավիաընկերություններին և պահեստամասերի մատակարարումը։ Ըստ ընկերության հայտարարության` պատժամիջոցներին համապատասխան Ռուսաստանում իր ինժեներական կենտրոնն Airbus-ի համար ընդհատել է բոլոր գործողությունները։
«Ռոսավիացիա»-ի տվյալներով՝ 2022թ. փետրվարի կեսի դրությամբ ռուսական ավիաընկերություններն օգտագործում են Airbus-ի արտադրության 322 ինքնաթիռ, դրանք ապահովում են Ռուսաստանի ավիաընկերությունների ընդհանուր ուղեւորափոխադրումների 41 տոկոսը։
