Պեկինում մեկնարկեցին 24-րդ ձմեռային Օլիմպիական խաղերը
Պեկինում մեկնարկեցին 24-րդ ձմեռային Օլիմպիական խաղերը: Պաշտոնական արարողությունը մեկնարկեց պատմական անդրադարձով`ներկաներին և հեռուստադիտողներին ներկայացնելով նախորդ 23 ձմեռային Օլիմպիական խաղերն ընդունած երկրները: Հաջորդիվ սկսվեց պատվիրակությունները մուտքը մարզադաշտ: Հայաստանի պատվիրակության դրոշը տանում էին դահուկորդ Միքայել Միքայելյանը և գեղասահորդ Թինա Կարապետյանը:
Պեկինն Օլիմպիական խաղերն ընդունած միակ քաղաք է, որ ընդունել է թե ձմեռային, թե ամառային (2008 թվական) խաղերը:
Օլիմպիական խաղերը պաշտոնապես բացեց Չինաստանի նախագահ Սի Ցզինպինը, իսկ ձմեռային Խաղերի կրակը վազեցրին երկու պատանի չինացի մարզիկ:
Հայաստանը ձմեռային Օլիմպիական խաղերում ներկայացնում են դահուկորդ Միքայել Միքայելյանը, Կատյա Գալստյանը և Անգելինա Մուրադյանը, ինչպես նաև գեղասահորդներ Թինա Կարապետյան-Սիմոն Սենեկալ պարային զույգը: Հայաստանի պատվիրակության ղեկավարը ՀԱՕԿ-ից Արմեն Գրիգորյանն է:
Ավելի վաղ հայտնի էր դարձել, որ Հայաստանի դահուկասպորտի ֆեդերացիայի նախագահ Գագիկ Սարգսյանի, լեռնադահուկորդ Հարություն Հարությունյանի և մարզիչ Արսեն Ներսիսյանի թեստերի պատասխանները դրական են եղել և նրանք չեն մեկնել Պեկինի խաղերին:
