Նոր Զելանդիան հայտարարել է իր սահմանների փուլային բացման մասին
Նոր Զելանդիայի վարչապետ Ջասինդա Արդեռնի խոսքով՝ պատվաստում ստացած նորզելանդացիները Ավստրալիայից կկարողանան տուն վերադառնալ փետրվարի 27-ից, իսկ մյուս երկրների պատվաստված քաղաքացիները կկարողանան դա անել մարտի 13-ից: Այդ մասին հաղորդել է BBC News-ը:
Մուտք գործող բոլոր անձինք պետք է ինքնուրույն մեկուսացվեն 10 օրով, բայց պետական կարանտինային հաստատություններում պարտադիր գտնվելը կչեղարկվի: Ապրիլի 12-ից երկիր կկարողանան մուտք գործել մինչեւ 5 հազար օտարերկրյա ուսանողներ: Սպասվում է, որ ավստրալացիները եւ մյուս բոլոր այցելուները, որոնք սովորաբար կարող են Նոր Զելանդիա մուտք գործել առանց այցագրի, կկարողանան երկիր ժամանել հուլիսից ոչ ուշ:
Հոկտեմբերին Նոր Զելանդիա կկարողանան մուտք գործել մյուս կատեգորիաների այն օտարերկրացիներն ու ուսանողները, որոնց համար սովորաբար պահանջվում է այցագիր: Նոր Զելանդիայի սահմանները գրեթե երկու տարի փակ են եղել համավարակի պատճառով: Նոր Զելանդիայում համավարակի բռնկումն սկսվելուց ի վեր գրանցվել է Covid-ով ախտահարման գրեթե 17 հազար դեպք եւ մահվան 53 դեպք, հաղորդել է «Ինտերֆաքս»-ը:
