Նրբաբլիթներով շոկոլադե տորթ

Բաղադրիչներ

Նրբաբլիթների համար՝

1. Կաթ (տաք) – 670 մլ

2. Ձու – 6 հատ

3. Կարագ – 100 գ

4. Ալյուր – 210 գ

5. Շաքարավազ – 100 գ

6. Կակաո – 80 գ

Կրեմի համար՝

1. Սերուցքային պանիր – 600 գ

2. Սերուցք – 500 մլ

3. Շաքարի փոշի – 200 գ

Պատրաստման եղանակը

1. Կաթը մի փոքր տաքացնել: Կարագը լրիվ հալեցնել: Ալյուրը խառնել կակաոյի հետ: Ավելացնել շաքարավազը և լավ խառնել: Ավելացնել ձուն և մի փոքր կաթ: Հարել:

2. Աստիճանաբար ավելացնել կաթը և կարագը, խառնել խմորը, մինչև միասեռ դառնալը: Պետք է ստացվի ջրիկ խմոր: Թխելուց առաջ խմորը կես ժամ սառեցնել:

3. Չոր տապակի մեջ տապակել նրբաբլիթները: Պետք է ստացվի 23-26 հատ նրբաբլիթ:

4. Փափուկ սերուցքային պանիրը հարել սերուցքի և շաքարի փոշու հետ: Պանիրը և սերուցքը պետք է սառը լինեն: Հարել 5-7 րոպե:

5. Ձևավորել նրբաբլիթներով տորթ սերուցքային կրեմով: Յուրաքանչյուր բլիթի հաշվով օգտագործվում է 1.5 ճ/գ կրեմ:

6. Պատրաստի տորթը զարդարել քերած շոկոլադով կամ կակաոյով, սառեցնել մոտ 8 ժամ, մատուցել:

Պատրաստեց Անի Գաբուզյանը