Պուտինը և Ալիևը քննարկել են Ուկրաինայի և Ղազախստանի խնդիրները

Ադրբեջանական կողմի նախաձեռնությամբ հունվարի 18-ին տեղի է ունեցել Ռուսաստանի նախագահ Վլադիմիր Պուտինի հեռախոսազրույցը Ադրբեջանի նախագահ Իլհամ Ալիևի հետ:

Կրեմլը հայտնել է, որ «հաշվի առնելով Իլհամ Ալիևի՝ վերջերս Ուկրաինա կատարած այցը»՝ հեռախոսազրույցի ընթացքում քննարկվել է ներուկրաինական իրավիճակի կարգավորման հիմնախնդիրը:

Ռուսաստանի և Ադրբեջանի նախագահները նաև մտքեր են փոխանակել Ղազախստանում վերջերս տեղի ունեցած իրադարձությունների վերաբերյալ՝ գոհունակություն հայտնելով առ այն, որ հաջողվել է օպերատիվ կերպով կայունացնել իրավիճակը՝ մասնավորապես շնորհիվ ՀԱՊԿ խաղաղապահ ուժերի ներկայության: