Տորթ «Լենինգրադյան»

Բաղադրիչներ

1. Ալյուր – 330 գ

2. Կարագ – 345 գ

3. Շաքարավազ – 255 գ

4. Կաթ – 75 մլ

5. Ձու – 1 հատ

6. Ձվի դեղնուց – 1 հատ

7. Կոնյակ – 1 ճ/գ

8. Կակաո – 17 գ

9. Վանիլին – 7 գ

10. Փխրեցուցիչ – 1 թ/գ

11. Պոմադկա (պատրաստի) – 200 գ

12. Ընկույզ – 10 գ

13. Բիսկվիթային փշրանք

Պատրաստման եղանակը

1. 185 գ փափուկ կարագը, 125 գ շաքարավազը և ձուն լավ հարել, մինչև ստացվի միասեռ զանգված: Ավելացնել ալյուրը և փխրեցուցիչը, փափուկ խմոր հունցել:

2. Խմորը բաժանել 4 մասի, յուրաքանչյուրը գրտնակել թխելու համար նախատեսված թղթի վրա այնպես, որպեսզի հնարավոր լինի կտրել 18×18 քառակուսու: Գրտնակած շերտերը 15 րոպեով դնել սառցախիկը, հետո թխել 12 րոպե նախապես 200 աստիճան տաքացրած ջեռոցում: Սառեցնել՝ չհեռացնելով թղթից:

3. Պոմադկան խառնել 10 գ կակաոյի հետ և հավասարաչափ ջնարակել դրանով շերտերից մեկը (դա պետք է լինի վերևի շերտը):

4. Կաթը խառնել դեղնուցի հետ, քամել, ավելացնել 130 գ շաքարավազ, ցածր կրակի վրա հասցնել եռման և 4-5 րոպե եփել, մինչև պնդանա և նմանվի խտացրած կաթի: Սառեցնել՝ ժամանակ առ ժամանակ խառնելով:

5. Հարել 160 գ կարագը, ավելացնել փոշի դարձրած վանիլինը և կամաց-կամաց ավելացնել օշարակը, լավ հարել: Ավելացնել կոնյակը, խառնել: Կրեմից 2 ճ/գ առանձնացնել զարդարելու համար նախատեսված տոպրակի մեջ, մնացած կրեմին ավելացնել 7 գ կակաո և նորից լավ հարել:

6. Ընկույզը բովել և կտրատել:

7. Հավաքել տորթը՝ յուրաքանչյուր շերտի վրա կրեմ քսելով: Վերևում տեղադրել ջնարակված շերտը, կողքերը կրեմապատել և զարդարել բիսկվիթային փշրանքով: Տորթը զարդարել սպիտակ կրեմով և կտրատված ընկույզով: Մի քանի ժամ դնել սառնարանը, որից հետո մատուցել:

Պատրաստեց Անի Գաբուզյանը