Թող ձեր սրտերն ու տները լցվեն խաղաղությամբ, բարությամբ․ Արմեն Սարգսյան
Հանրապետության նախագահ Արմեն Սարգսյանը շնորհավորել է Հիսուս Քրիստոսի Ծննդյան եւ Աստվածահայտնության տոնը։
«Սիրելի՛ հայրենակիցներ,
Ջերմորեն շնորհավորում եմ բոլորիդ Հիսուս Քրիստոսի Ծննդյան եւ Աստվածահայտնության տոնի առթիվ:
Խաղաղություն ավետող Սուրբ Ծննդյան այս տոնին մենք բարեմաղթանքներ ենք հղում, հույս, հավատ, սեր փոխանցում միմյանց եւ միաժամանակ, ջերմությամբ եւ աղոթքով հիշում նրանց, ովքեր մեզ հետ չեն:
Այս տոնը մեզ վերստին հորդորում է օգնել ու սատարել, հարգել եւ սրտացավ լինել միմյանց հանդեպ, Ընտանիքի հանդեպ, Օջախի հանդեպ, Հայրենիքի հանդեպ:
Թող ձեր սրտերն ու տները լցվեն խաղաղությամբ, բարությամբ, ուրախությամբ, հանգստությամբ եւ ջերմությամբ:
Մաղթում եմ բոլորիդ, ձեր ընտանիքներին եւ հարազատներին առողջություն, երջանկություն եւ ամենայն բարիք»,- նշել է նախագահը։
