Բոստոնյան կրեմով տորթ

Բաղադրիչներ

Խմորի համար՝

1. Ալյուր – 125 գ

2. Փխրեցուցիչ – 1 թ/գ

3. Շաքարավազ – 120 գ

4. Ձու – 4 հատ

5. Կիտրոնի հյութ – 1 թ/գ

6. Բուսայուղ – 3 ճ/գ

Ջնարակի համար՝

1. Սերուցք – 30 մլ

2. Մուգ շոկոլադ – 100 գ

Կրեմի համար՝

1. Կաթ – 500 մլ

2. Ձու – 2 հատ

3. Օսլա – 30 գ

4. Շաքարավազ – 100 գ

5. Կարագ – 50 գ

6. Վանիլին – 10 գ

Պատրաստման եղանակը

1. Խմորի համար խորը թասի մեջ խառնել ալյուրը, փխրեցուցիչը և 20 գ շաքարավազ:

2. Առանձին թասի մեջ խառնել դեղնուցները, կիտրոնի հյութը և բուսայուղը, հարել:

3. Սպիտակուցները խառնել 100 գ շաքարավազի հետ և հարել, մինչև լավ պնդանալը:

4. Մի քանի անգամից սպիտակուցը ավելացնել դեղնուցին և զգուշությամբ խառնել, հետո ավելացնել չոր բաղադրիչները: Պետք է ստացվի միասեռ զանգված: Կաղապարը պատել յուղաթղթով, խմորը լցնել մեջը և թխել 30-40 րոպե, 175 աստիճան տաքացրած ջեռոցում:

5. Կրեմի համար խառնել ձուն, շաքարավազը, օսլան և կես բաժակ կաթ, հարել:

6. Ավելացնել մնացած կաթը և դնել կրակին:

7. Անընդհատ խառնելով՝ եփել միջին կրակի վրա, հասցնել եռման և եփել ևս 2 րոպե:

8. Վերցնել կրակից, ավելացնել վանիլին և կարագ, խառնել և սառեցնել:

9. Պատրաստի խմորը հանել ջեռոցից, լրիվ սառեցնել, հետո հանել կաղապարից:

10. Սառած խմորը կիսել երկու շերտի: Տակի շերտի վրա քսել կրեմը:

11. Երկրորդ շերտը դնել կրեմի վրա և մի փոքր սեղմել:

12. Ջնարակի համար խառնել սերուցքը և շոկոլադը և դնել կրակին: Անընդհատ խառնելով՝ զանգվածը դարձնել միասեռ:

13. Ջնարակը զգուշությամբ լցնել տորթի վրա, մի քանի ժամ դնել սառնարանը, հետո մատուցել:

Պատրաստեց Անի Գաբուզյանը