FDA-ի փորձագետները հանձնարարել են ԱՄՆ-ում թույլատրել COVID-19-ի դեմ Merck պատրաստուկի կիրառումը
ԱՄՆ-ի սննդամթերքի եւ դեղամիջոցների որակի սանիտարական հսկողության վարչության (FDA) կոնսուլտատիվ խումբը ձայների մեծամասնությամբ հանձնարարել է հավանություն տալ COVID-19-ի դեմ Merck ամերիկյան ընկերության պատրաստուկի օգտագործմանը կորոնավիրուսի ծանր ընթացքի բարձր ռիսկի ենթակա մեծահասակ անձանց կողմից:
Այդ մասին հաղորդել է The Hill-ը: Խումբը հանձնարարել է նոյեմբերի 30-ին տեղի ունեցող քվեարկության ընթացքում մոլնուպիրավիր պատրաստուկի կիրառմանը հավանություն տալ 13 «կողմ» եւ տասը «դեմ» ձայներով: Դրա հետ մեկտեղ FDA-ը դեռ պետք է որոշի՝ հետեւել արդյոք կոնսուլտացիոն խմբի հանձնարարականին:
Հրատարակությունը նշում է, որ քվեարկությունը տեղի է ունեցել այն բանից հետո, երբ անցյալ շաբաթ FDA-ը հրապարակել է իր մեկնաբանությունը մոլնուպիրավիրի մասին, որում եզրակացություն է արվել պատրաստուկի արդյունավետության վերաբերյալ, բայց երկյուղներ են հայտնել հղիների վրա դրա ազդեցության առնչությամբ: Merck-ի ներկայացուցիչները հղիներին եւ կրծքով կերակրողներին հանձնարարել են չընդունել հաբերը հնարավոր ռիսկերի պատճառով: Merck-ի ներկայացուցիչը նաեւ FDA-ին հաղորդել է, որ ընկերությունը չի թեստավորել COVID-19-ի նոր շտամի դեմ մոլնուպիրավիրը, բայց սպասում է, որ հաբն արդյունավետ կլինի այդ տարատեսակի դեմ:
Դեղամիջոցների արտադրողը մոլնուպիրավիրի կիրառման շտապ թույլտվության հայտ է ներկայացրել անցած ամիս, հետազոտությունից հետո, որը ցույց է տվել, որ պատրաստուկը COVID-19-ով հիվանդների հոսպիտալացումը նվազեցնում է 50 տոկոսով: Դրա հետ մեկտեղ նորացված տվյալները վկայել են պատրաստուկի փոքր արդյունավետության մասին: Դրանց համաձայն, մոլնուպիրավիրը 30 տոկոսով կրճատում է հոսպիտալացումների թիվը: Նշվում է, որ պատրաստուկը չի կիրառվելու որպես կանխարգելիչ միջոց, այն նշանակելու են արդեն ախտահարված չափահաս մարդկանց, հաղորդել է«Ինտերֆաքս»-ը:
