Ամերիկյան դդմային պիրոգ՝ խտացրած կաթով

Բաղադրիչներ

1. Ալյուր – 225 գ

2. Շաքարավազ – 3 թ/գ

3. Աղ – 1 թ/գ

4. Կարագ – 145 գ

5. Ջուր – 40 մլ

6. Դդմի խյուս – 400 գ

7. Խտացրած կաթ – 400 գ

8. Ձու – 2 հատ

9. Ձվի դեղնուց – 1 հատ

10. Դարչին – 1.5 թ/գ

11. Կոճապղպեղ – 1 թ/գ

12. Աղ – 1/2 թ/գ

13. Մշկընկույզ – 1/2 թ/գ

Պատրաստման եղանակը

1. Ալյուրին ավելացնել աղ, շաքարավազ, խառնել: Սառը կարագը քերել քերիչով և տրորել ալյուրի հետ: Ստանալ փշրանք: Ավելացնել սառը ջուր, խմոր հունցել: Խմորը փաթաթել սննդային թաղանթի մեջ և 30 րոպեով դնել սառնարանը:

2. Խմորը գրտնակել 3/4 մմ հաստությամբ: Տեղադրել կաղապարի մեջ, եզրերը կտրել: Ավելացած խմորը փաթաթել թաղանթի մեջ, դնել սառնարանը:

3. Գրտնակած խմորի վրա թխելու համար նախատեսված թուղթ փռել, վրան ծանրություն լցնել (լոբի, բրինձ): Թխել 25 րոպե, 180 աստիճան ջեռոցում:

4. Հանել ջեռոցից, հեռացնել ծանրությունը, թողնել, որ սառչի: Մնացած խմորից տերևներ ձևավորել, վրան ձվի սպիտակուց քսել և թխել 180 աստիճան տաքացրած ջեռոցում:

5. Թասի մեջ խառնել դդմի խյուսը և խտացրած կաթը: Ավելացնել դարչինը, կոճապղպեղը, աղը, մշկընկույզը, խառնել: Ավելացնել ձվերը, խառնել, ստանալ միասեռ զանգված:

6. Ստացված խյուսը լցնել խմորի շերտի վրա, թխել 180 աստիճան ջեռոցում 55-60 րոպե:

7. Թողնել, որ սառչի, որից հետո 3 ժամով ուղարկել սառնարանը:

8. Մատուցելիս զարդարել տերևներով:

Պատրաստեց Անի Գաբուզյանը