Մահացել է Ռաֆիկ Հեքեքյանը
Կյանքի 85-րդ տարում 2021 թվականի հոկտեմբերի 1-ին իր մահկանացուն կնքեց ֆոտոլրագրող, հայկական սպորտային լուսանկարչության վարպետ Ռաֆիկ Վահանի Հեքեքյանը:
1960-1990-ական թվականներին նրա լուսանկարները հանրապետական և մարզական մամուլի էջերում լուսաբանել են հայ մարզիկների հաջողություններն ու նվաճումները, իսկ ինքը՝լուսանկարիչը, հայ մարզաշխարհում ճանաչված է եղել իր խաղաղ ու հանդարտ բնույթով, զսպվածությամբ ու բարությամբ և իրեն բնորոշ նուրբ հումորով:
Հոգեհանգիստը տեղի կունենա «ԼյուԱր» Սգո սրահում (ք․Երևան, Սիլիկյան հին խճուղի 18. Շահումյանի գերեզմանատան հարևանությամբ) 2021 թ. հոկտեմբերի 02-ին ժ.18․00-ին: Հուղարկավորությունը՝ հոկտեմբերի 03-ին 14։00-ին։
