Սիրեք ու պաշտպանեք հայրենիքը. անհայրենիքները երկար չեն ապրում. հանրահայտ վիրաբույժ Ֆյոդոր Ուգլովի երկարակեցության կանոնները
Մինչև իր կյանքի վերջին օրերը բժիշկ Ուգլովը, ով ապրել է 103 տարի, պայծառ միտք ուներ, ֆանտաստիկ հիշողություն ու հարաբերականորեն վատ չէր զգում իրեն: Իսկ իր հարյուրամյակի նախօրեին նա ընդգրկվեց Գինեսի ռեկորդների գրքում՝ որպես աշխարհի ամենածեր վիրահատող վիրաբույժ: Այս մասին գրում է cluber.com.ua կայքը:
Ուրեմն ո՞րն է ռուս բժշկի երկարակեցության գաղտնիքը, ում ձեռքբերումները վիրաբուժության մեջ համաշխարհային անուն ունեցող մասնագետները համեմատում են տիեզերք թռչելու հետ:
Ֆյոդոր Ուգլովը երկարակեցության իր տեսությունն ուներ: Ահա նրա սկզբունքները՝
.Ձեր մտքին ու մարմնին անընդհատ աշխատանք հանձնարարեք: Ֆիզիկական ու ինտելեկտուալ կանոնավոր ծանրաբեռնվածությունը կօգնեն ձեզ երկար տարիներ մնալ աշխույժ ու սթափ մտքով ու մարմնով:
- Ձեր իմունիտետն ամրապնդեք կոփմամբ
- Հրաժարվեք ալկոհոլից ու ծխախոտից առհավետ
- Սնունդի մեջ չափավոր եղեք. ավելորդ քաշն ու առողջությունն անհամատեղելի են
- Հետևեք օրվա ռեժիմին. գիշերը մարդկանց տրված է քնելու համար
- Լիարժեքորեն հանգստացեք
- Սիրեք ու պաշտպանեք հայրենիքը. անհայրենիքները երկար չեն ապրում
- Սիրով կատարեք ձեր աշխատանքը ու հարգեք ուրիշի աշխատանքը
- Կարողացեք տիրապետել ինքներդ Ձեզ ու երբեք մի ընկեք ձանձրույթի մեջ
- Փայփայեք այն անձնական ռեսուրսները, որ բնությունն է տվել
- Մի վախեցեք բժշկի գնալ
- Միշտ բարիք գործեք
Նորմալ քաշի պահպանումը բժիշկ Ուգլովը համարում էր այն մարդու կարևորագույն խնդիրներից մեկը, ով ուզում է ապրել երկար, լիարժեք կյանքով: Ինքը՝ Ուգլովը, վերջինիս կնոջ խոսքերով՝ միշտ միևնույն քաշն ուներ՝ 70 կգ. 1.70 հասակի պարագայում: Ուտում էր ամեն ինչ, բայց փոքր չափաբաժիններով, նախընտրում էր բնական մթերքները ու խուսափում էր շաքար օգտագործելուց:
Հրապարակման պատրաստեց 168.am-ը
