Լլոյդ Օսթինը հաստատել է թալիբների կողմից ԱՄՆ քաղաքացիներին ծեծի ենթարկելու փաստերը
ԱՄՆ պաշտպանության նախարար Լլոյդ Օսթինը Ներկայացուցիչների պալատի անդամների հետ հեռախոսազրույցում հաստատել է թալիբների կողմից ԱՄՆ քաղաքացիներին ծեծի ենթարկելու փաստերը: Ավելի վաղ նմանատիպ դեպքեր արձանագրվել են նաև Մեծ Բրիտանիայի և Հնդկաստանի քաղաքացիների նկատմամբ:
«Պաշտպանության նախարար Լլոյդ Օսթինը Ներկայացուցիչների պալատի անդամների հետ հեռախոսազրույցի ժամանակ ասել է, որ ամերիկացիները Քաբուլում ծեծի են ենթարկվել թալիբների կողմից: Օսթինը դա անընդունելի է համարել», – ասել է «Fox»-ի թղթակիցը:
ԱՄՆ նախագահ Ջո Բայդենը հավաստիացրել էր, որ Աֆղանստանում բոլոր ամերիկացիների անվտանգությունն ապահովված է:
