Հերքում են Զուրաբովի մասին տեղեկությունները
PRESSING հաղորդաշարի 21.04.2021 թվականի եթերում Սաթիկ Սերյանյանի կողմից բանավոր հնչեցվել է հետևյալը՝ «Ի դեպ, Զուրաբովի հետ հանդիպումը ներկայացվեց որպես միջազգային օտարերկրյա ներդրումների հոսք՝ իբրև թե ներգրավում Հայաստանի տնտեսության մեջ։ Նա բաժնետերերից մեկն է Պղնձամոլիբդենային կոմբինատի։ Ամենափոքր բաժնետերը, որը խնդիրներ կարծեմ ունի իրավապահ համակարգի հետ և նաև հայտնի է նրանով, որ թուրքական բիզնես շրջանակների և քաղաքական շրջանակների հետ ինչ-որ հարաբերությունների մեջ է»։
Ղեկավարվելով «Զանգվածային լրատվության մասին» օրենքի 8-րդ հոդվածով՝ պահանջում եմ «Հերքում» խորագրի ներքո հերքել վերոնշյալ տեղեկատվությունը՝ հրապարակելով կամ բանավոր հնչեցնելով հետևյալը.
«Այդ տեղեկությունները չեն համապատասխանում իրականությանը»։
Սպարտակ Առաքելյան
