Քուվեյթի նավթի խոշորագույն հանքավայրում հրդեհ է բռնկել
Մայիսի 10-ին երկու բանվոր է տուժել Քուվեյթի նավթի Greater Burgan (Մեծ Բուրգան) հանքավայրում բռնկած հրդեհի հետեւանքով: Այդ մասին հայտնել է Քուվեյթի KUNA լրատվական գործակալությունը։
Բանվորներին այրվածքներով տեղափոխել են հիվանդանոց, նրանց կյանքին ոչինչ չի սպառնում: Տեղական ժամանակով 12:39-ին (Երեւանի ժամանակով 13:39-ին) հրդեհը մարվել է: Նավթի արդյունահանումը չի ընդհատվել: Հրդեհի պատճառը հայտնի չէ: Հանքավայրի վարչությունն սկսել է միջադեպի հետաքննությունը, հաղորդել է ՏԱՍՍ-ը:
