Մալդիվների ոստիկանությունը երկու անձի է ձերբակալել՝ նախկին նախագահի վրա հարձակման գործով
Մալդիվյան Հանրապետության ոստիկանությունը ձերբակալել է երկու մարդու, որոնց կասկածում են պայթյունի կազմակերպման մեջ, որի հետևանքով տուժել է երկրի նախկին նախագահ, այժմ ժողովրդական Մեջլիսի (խորհրդարանի) խոսնակ Մոհամեդ Նաշիդը:
Ինչպես հաղորդում է «ՏԱՍՍ»-ը, այս մասին հայտնել է Մալդիվյան Հանրապետության ոստիկանությունը:
«Երկու անձ ձերբակալվել է մայիսի 6-ին ահաբեկչական գործողություն իրականացնելու գործով»,- նշում են իրավապահ մարմինները:
Պայթյունը տեղի է ունեցել երկրի մայրաքաղաք Մալեում՝ պետության նախկին ղեկավարի տան մոտ: Նաշիդը հիվանդանոց էր տեղափոխվել և վիրահատվել: Տեղի պարբերականներից մեկը, հղում կատարելով քաղաքական գործչի ընտանիքին, հայտնել էր, որ արդեն անջատել են թթվածնային ապարատը, և նա կարող է ինքնուրույն շնչել:
