Ուլուկբեկ Մարիպովը նշանակվել է Ղրղզստանի նախարարների կաբինետի ղեկավար
Ղրղզստանի նախագահ Սադիր Ժապարովը Ուլուկբեկ Մարիպովին նշանակել է նախարարների կաբինետի ղեկավար: Այս մասին հայտնում է ՏԱՍՍ-ը, հղում անելով Ղրղզստանի նախագահի մամուլի ծառայության հայտարարությանը:
«Ղրղզստանի Հանրապետության նախագահը ստորագրել է հրամանագիր, որի համաձայն` Մարիպովը նշանակվել է նախարարների կաբինետի ղեկավար և ազատվել ավելի վաղ զբաղեցրած պաշտոնից»,- ասված է հաղորդագրությունում:
Մինչ այս Մարիպովը գլխավորում էր երկրի կառավարությունը, բայց վարչապետի պաշտոնում:
