Ամեն ինչ, կամ ոչինչ․ «Չելսի»-«Ռեալ Մադրիդ»
«Չելսին» առաջին հանդիպմանը ոչ-ոքի խաղաց «Ռեալի» դեմ, բայց արդյո՞ք դա բավարար կլինի եզրափակիչ դուրս գալու համար:
«Չելսի»
«Չելսին» բավականին ամուր մրցաշրջան է անցկացնում՝ «թոշակառուներն» իրենց աշխատանքը կատարում են Պրեմիեր լիգայում և մոտ են Չեմպիոնների լիգայի եզրափակիչ դուրս գալուն: Լոնդոնյան ակումբը մրցաշրջանը սկսեց Ֆրենկ Լեմպարդի գլխավորությամբ, բայց «Չելսիի» լեգենդը չկարողացավ ինտեգրել թիմի թանկարժեք նորեկներին իր մոդելի մեջ։
Թոմաս Տուխելի օրոք «Չելսին» փոխվեց։ Թիմը սկսեց զգալիորեն ավելի քիչ սխալներ թույլ տալ պաշտպանությունում, ավելին` գերմանացի մասնագետն ընդհանուր լեզու գտավ իր հայրենակիցների հետ, և նրա օրոք հաստատ ավելացրեցին Կայ Հավերցը և Տիմո Վերները, չնայած ոչ մեկը, ոչ էլ մյուսն առանցքային չէին:
Պրեմիեր լիգայում «Չելսին» ներկայումս զբաղեցնում է մրցաշարային աղյուսակի չորրորդ հորիզոնականը, բայց դեռ չի երաշխավորել Չեմպիոնների լիգայի ուղեգիր. Հինգերորդ «Վեսթ Հեմը» երեք միավորով է հեռու, իսկ «Տոտենհեմն» ու «Լիվերպուլը» տեսականորեն դեռ կարող են մրցել: Վերջին տուրում «Չելսին» սեփական հարկի տակ 2:0 հաշվով հաղթեց «Ֆուլհեմին»՝ դուբլի հեղինակ դարձավ Կայ Հավերցը, ով խաղից հետո համեստորեն նշեց, որ հանդիպման արդյունքը որոշվում էր թիմային աշխատանքով, ոչ թե նրա անհատական գործողություններով:
Մադրիդի «Ռեալի» հետ առաջին խաղում «Չելսին» ուներ հաղթելու բոլոր հնարավորությունները՝ առաջին խաղակեսում «թոշակառուներն» ամբողջությամբ վերահսկում էին հանդիպման ընթացքը, բայց երկրորդ խաղակեսում խաղում էին խստորեն արդյունքի համար: Այնուամենայնիվ, արտագնա գոլն անկասկած անգլիական թիմին դարձնում է ֆավորիտ:
Այսօր «Չելսիի» միակ կորուստը կլինի Մատեո Կովաչիչը:
«Ռեալ Մադրիդ»
Մադրիդի «Ռեալը», ճիշտ ինչպես իր ներկայիս մրցակիցը, անհաջող անցկացրեց մրցաշրջանի առաջին հատվածը: Զինեդին Զիդանի թիմը մեծ դժվարությամբ դուրս եկավ Չեմպիոնների լիգայի փլեյ-օֆֆ՝ առաջին երկու տուրերում վաստակելով ընդամենը մեկ միավոր: Բացի այդ, «սերուցքայինները» խնդիրներ ունեին Իսպանիայի առաջնությունում։
Այնուամենայնիվ, մարզչին հաջողվեց կայունացնել իրավիճակը՝ Մադրիդի «Ռեալը» մարզավիճակը լավացրեց և վերադարձավ չեմպիոնական մրցավազք: Այս պահին «Արքայական ակումբը» զբաղեցնում է աղյուսակի երկրորդ հորիզոնականը ՝ երկու միավորով հետ մնալով առաջատարից՝ ի դեմս «Ատլետիկոյի»:
«Սերուցքայիններին» ճնշում է «Բարսելոնան», որը հետ է մնում միայն լրացուցիչ ցուցանիշների պատճառով, ուստի առաջնության ավարտը խոստանում է թեժ լինել:
Չեմպիոնների լիգայում «Չելսիի» հետ անհամոզիչ ոչ-ոքիից (1:1) հետո Մադրիդի «Ռեալը» Իսպանիայի առաջնությունում սեփական հարկի տակ հանդիպեց «Օսասունայի» հետ: Այս հանդիպմանը «սերուցքայինները» խնդիրներ ունեին, բայց, ի տարբերություն «Չելսիի» հետ դիմակայության, «Ռեալը» կարգով լուրջ առավելություն ուներ մրցակցի նկատմամբ, ինչը շատ օգնեց Մադրիդում 2:0 հաշվով հաղթանակ տոնել:
Ակնկալվում էր, որ Ռաֆայել Վարանը կվերադառնա «Չելսիի» դեմ պատասխան խաղին, բայց բժշկական հետազոտությունները ցույց տվեցին, որ նման զարգացման հավանականությունը ցածր է: Ֆրանսիացի պաշտպանը կմիանա վնասվածք ստացած Ֆեդերիկո Վալվերդեին, Դանի Կարվախալին ու Լուկաս Վասկեսին: Սակայն վերադառնում է թիմի ավագ Սերխիո Ռամոսը։
«Չելսին» շատ համարձակ գործեց առաջին խաղում, հատկապես՝ առաջին խաղակեսում։ Փոխարենը՝ «թոշակառուները» բաց թողեցին պատասխան գնդակն ու բավարարվեցին միայն ոչ-ոքիով, ինչն առավելություն է տալիս, բայց ոչինչ չի երաշխավորում:
Մադրիդի «Ռեալն» առաջին խաղում զգուշորեն խաղաց և միտումնավոր ոչ-ոքի խաղաց, որն այժմ «սերուցքայիններին» պարտադրում է ավելացնել հարձակման գծում: Ըստ մասնագետների՝ մադրիդյան թիմը շատ հեշտ կխաղա և կկարողանա արդյունքի հասնել։ Կա առաջին հանդիպման արդյունքը, որի վրա նրանք կարող են հիմնվել և կառուցել իրենց սեփական խաղը։ Հարձակման գծում «սերուցքայիններն» ունեն բարձրակարգ փորձառու կատարողներ, ովքեր կարող են ցանկալի արդյունք ապահովել:
Հիշեցնենք, որ խաղը կկայանա այսօր՝ Երևանի ժամանակով 23։00-ին։
Սիրարփի Աղաբաբյան
