Հայտնի են ՖԻՖԱ ԱԱ 2023 որակավորման փուլում կանանց Հայաստանի ազգային հավաքականի մրցակիցները

Կայացել է ՖԻՖԱ աշխարհի 2023 թվականի առաջնության որակավորման փուլի վիճակահանությունը: Այս մասին հայտնում է ՀՖՖ-ն: Կանանց Հայաստանի ազգային հավաքականը ընդգրկվեց F խմբում, որտեղ կմրցի Նորվեգիայի, Բելգիայի, Լեհաստանի, Ալբանիայի և Կոսովոյի հավաքականների հետ։

Որակավորման փուլի հանդիպումները կկայանան 2021 թվականի սեպտեմբերից 2022 թվականի սեպտեմբեր ընկած ժամանակահատվածում։