5,5 մագնիտուդով երկրաշարժ են գրանցել Խաղաղ օվկիանոսում
Ապրիլի 29-ին 5,5 մագնիտուդով երկրաշարժ են գրանցել Խաղաղ օվկիանոսի Հյուսիսային Մարիանյան Կղզիների ափերի մոտ: Այդ մասին հայտնել է ԱՄՆ-ի Երկրաբանական ծառայությունը։
Երկրաբանական ծառայության գնահատումներով՝ տարերքի էպիկենտրոնը գտնվել է Սայփան կղզուց, որտեղ բնակվում է 48,2 հազար մարդ, 356,5 կիլոմետր դեպի հյուսիս: Երկրաշարժի օջախն ընկած է եղել 178,6 կիլոմետր խորության վրա: Ցունամիի սպառնալիքի մասին նախազգուշացումներ չեն ստացվել, հաղորդել է ՏԱՍՍ-ը:
