Հայտնի է դարձել, թե որ ֆիլմը կբացի Կաննի կինոփառատոնը
Ֆրանսիացի ռեժիսոր Լեոս Կարակսի «Անետ» մյուզիքլը կբացի Կաննի կինոփառատոնը: Այդ մասին հաղորդել է Deadline-ը։
Լեոս Կարակսի յուրաքանչյուր ֆիլմ իրադարձություն է: Եվ այս կինոնկարը կատարում է իր բոլոր խոստումները. «Անետը» նվեր է, որի հետ հույս են կապել կինոյի, երաժշտության եւ մշակույթի սիրահարները»,- ասել է Կաննի կինոփառատոնի նախագահ Պիեռ Լեսկյուրը:
Կինոնկարում, որը դարձել է Կարակսի առաջին անգլալեզու նախագիծը, դերերը կատարել են Մարիոն Կոտիյարը եւ Ադամ Դրայվերը:
Կինոնկարում գործողությունները տեղի են ունենում արդի Լոս Անջելեսում: Գլխավոր հերոսներն են՝ սթենդափեր Հենրին (Դրայվեր) եւ նրա կինը՝ երգչուհի Էննը (Կոտիյար): Նրանք ապրում են իվեալական գլամուրային կյանքով, բայց դստեր՝ Անետի ծնվելը, որն օժտված է արտասովոր շնորհքով, փոխում է նրանց կյանքը:
Ամերիկյան հայտնի «Sparks» ռոք-փոփ խումբը ոչ միայն գրել է կինոնկարի սաունդթրեքը, այլեւ մասնակցել սցենարի ստեղծմանը: Պրեմիերան կայացել է հուլիսի 6-ին կայացած փառատոնում. միաժամանակ կինոնկարը վարձույթ կմտնի ֆրանսիական կինոթատրոններում:
Լեոս Կարակսի նախորդ՝ «Սուրբ շարժիչներ» կորպորացիա» ֆիլմը 2012 թվականին նույնպես ներկայացվել է Կաննում: Ռեժիսորի մյուս աշխատանքների թվում են «Տղան հանդիպում է աղջկա», «Նոր կամրջի սիրահարները», «Պոլա իքս» ֆիլմերը: Կաննի կինոփառատոնը պետք է անցկացվի հուլիսի 6-ից մինչեւ 17-ը: Ժյուրին եւ մրցութային ծրագիրը կհայտարարեն ավելի ուշ, հաղորդել է ՌԻԱ Նովոստին:
