«Հենց նման մանիպուլիացիաների պատճառով ենք հասել դժոխքի դռանը, սակայն դեռ խելքի չենք գալիս»․ Երվանդ Վարոսյան
Երվանդ Վարոսյանը ֆեյսբուքյան իր էջում գրում է․ «Թուրքական փողերով Հայաստանում հակառուսական տրամադրություններ սերմանելու շարունակական ծրագրի շրջանակներում այսօր ինտենսիվ տարածվում է լուր, թե ռուսական պատվիրակությունը ԵԽԽՎ-ում դեմ է քվեարկել մեր ռազմագերիների հարցն օրակարգ ներառելուն։
Հետաքրքիր է, որ դա տարածողները «մոռանում են» նշել, որ քվեարկության է դրված եղել ընդհանուր կազմված օրակարգը հաստատելու հարցը, և որ այդ օրակարգում բացի հայ ռազմագերիների հարցից ներառված են եղել նաև ակնհայտ հակառուսական հարցեր` Ալեքսեյ Նավալնու կալանավորումն ու ազատազրկումը, Ռուսական հետքը Եվրոպայում խաղախության խաթարման մեջ։
Պարզ է, թե ինչու են ռուսներն օրակարգի հաստատմանը դեմ ու ձեռնպահ քվեարկել ու պարզ է, որ կողմ հաստատ չէին կարող քվեարկել։
Հենց նման մանիպուլիացիաների պատճառով ենք հասել դժոխքի դռանը, սակայն դեռ խելքի չենք գալիս»։
