Օբամեյանգը մալարիայով է վարակվել Գաբոնի ազգային հավաքականում
«Արսենալի» հարձակվող Պիեռ-Էմերիկ Օբամեյանգն ասել է, որ մալարիայով է վարակվել Գաբոնի ազգային թիմում խաղալիս:
«Ողջույն բոլորին, շնորհակալություն հաղորդագրությունների և զանգերի համար: Ցավոք, ես մալարիայով հիվանդացա, երբ մի քանի շաբաթ առաջ Գաբոնում խաղում էի ազգային հավաքականում: Այս շաբաթ մի քանի օր հիվանդանոցում եմ անցկացրել, բայց ամեն օր ինձ շատ ավելի լավ եմ զգում:
Շնորհակալություն գերազանց բժիշկներին, ովքեր այդքան արագ հայտնաբերեցին վիրուսը և անմիջապես սկսեցին բուժել: Վերջին երկու շաբաթների ընթացքում ես ինձ շատ լավ չէի զգում, բայց ավելի ուժեղ կլինեմ, քան երբևէ»,- գրել է Օբամեյանգը:
Սիրարփի Աղաբաբյան
