«Անվճար խորհուրդ նորաստեղծ ու ոչ այդքան նորաստեղծ կուսակցություններին ու խմբերին»․ Ալեն Ղևոնդյան
Ալեն Ղևոնդյանը ֆեյսբուքյան իր էջում գրում է․ «Անվճար խորհուրդ նորաստեղծ ու ոչ այդքան նորաստեղծ կուսակցություններին ու խմբերին․
Եթե դուք միայնակ գնաք ընտրությունների ու, ասենք, հավաքեք ընտրական շեմից ցածր տոկոսներ, ընտրությունների ավարտին ընտրական անցողիկության շեմը չհաղթահարած բոլոր կուսակցությունների քվեները միանալու են ու, շեմը հաղթահարածների ստացած քվեներին համապատասխանաբար, բաշխվելու նրանց միջև։
Սա նշանակում է, որ ամենից շատ քվե ստացողն առավել շատ ընտրական ձայն է ստանալու օդում մնացած քվեների բաշխման պարագայում։
Իսկ հիմա հարց, ո՞վ, հատկապես մարզերում, ունի ամենից շատ քվե ստանալու հնարավորություն՝ առկա կենցաղային գիտակցության և վարչական ռեսուրս օգտագործելու գործիքերին տիրապետելու զորու. էնպես որ՝ կոնսոլիդացվեք հանուն մեր երկրի ապագայի
Իհարկե, եթե ընտրությունները լինեն առհասարակ…»։
