Ռուս խաղաղապահները մարդասիրական օգնություն են առաքել Ասկերանի Խնածախ համայնք․ ՌԴ ՊՆ
![](https://168.am/wp-content/uploads/2021/04/bolee_250_zdanij_v_nagornom_karabahe_vosstanovleny_pri_pomoshhi_rossii_e3c1c23.thumb_.jpg)
Արցախում ռուսական խաղաղապահ զորախումբը շարունակում է իրականացնել իր առջև դրված խնդիրները․ ռուս խաղաղապահները, մասնավորապես, Շուշի քաղաքի շրջանում գազատարի վնասված հատվածի վերականգնման աշխատանքների ժամանակ ապահովել են աշխատակիցների անվտանգությունը, հաղորդում է ՌԴ ՊՆ-ն։
Նշվում է՝ մարդասիրական արձագանքման կենտրոնի զինծառայողները աշխատակիցներին ուղեկցել են վթարի վայր և ապահովել գազատարի աշխատանքների անվտանգ անցկացումը:
Բացի այդ, ռուս խաղաղապահները Արցախի Ասկերանի շրջանի Խնածախ համայնքի բնակիչներին են առաքել ռուսական հասարակական կազմակերպությունների և բարեգործական հիմնադրամների կողմից տրամադրած հումանիտար օգնությունը։
«Հումանիտար ակցիայի ընթացքում ռուս խաղաղապահները բազմազավակ ընտանիքներին, հարկադիր վերաբնակներին և փախստականներին են հանձնել մանկական մահճակալներ, ծածկոցներ, բարձեր, սննդամթերք և առաջին անհրաժեշտության առարկաներ»,- ասված է հաղորդագրության մեջ։