Արցախում ականի պայթյունի հետևանքով ադրբեջանցի զինծառայողներ են վիրավորվել
![](https://168.am/wp-content/uploads/2021/04/image.thumb_.jpg)
Լեռնային Ղարաբաղում ականի պայթյունի հետևանքով երկու ադրբեջանցի զինծառայող է տուժել անհայտ կորած զինծառայողների որոնումների ժամանակ: Ինչպես փոխանցում է Minval.az կայքը, այս մասին հայտնել է երկրի պաշտպանության նախարարությունը:
«Ադրբեջանցի զինծառայողներ Փյունհան Ալիևը և Բյախտիյար Իլգարօղլուն ապրիլի վեցին Սուղովուշան (Մատաղիս) բնակավայրի ուղղությամբ անհայտ կորած զինծառայողների որոնումներ իրականացնելիս վիրավորվել են հակահետևակային ականի պայթյունի հետևանքով»,- ասվում է գերատեսչության հաղորդագրության մեջ: