«ՈւԵՖԱ-ն և ՖԻՖԱ-ն սպանում են խաղացողներին: Նրանք մարդիկ են, ոչ թե մեքենաներ»․ Գվարդիոլա
«Մանչեսթեր Սիթիի» գլխավոր մարզիչ Պեպ Գվարդիոլան խոսել է թիմի կանոնավոր ռոտացիայի պատճառների մասին՝ նախատելով ղեկավար մարմիններին օրացույցի չափազանց ծանրաբեռնված լինելու համար:
«Խաղացողները մարդիկ են, ոչ թե մեքենաներ: Գիտեմ, որ նրանցից ոմանք նեղված են, քանի որ ցանկանում են ամեն օր խաղալ, բայց դա հնարավոր չէ: Եթե դուք չեք փոխում կազմը, ապա դուք չեք կարողանա մասնակցել բոլոր մրցումներին, չեք հայտնվի մեր ներկայիս դիրքում:
Իհարկե, ֆուտբոլիստները կարող են խաղալ, նրանք ունեն անհավանական մտածելակերպ, բայց նրանց հանգիստ է պետք: ՈւԵՖԱ-ն և ՖԻՖԱ-ն սպանում են խաղացողներին, դա չափազանց շատ է: Մրցաշրջանի սկզբից ի վեր մենք շաբաթվա կեսին ոչ մի անգամ դադար չենք ունեցել, ոչ մի անգամ:
Չկա խաղացող, որը դրան դիմակայեր ոչ միայն՝ ֆիզիկապես, այլև՝ հոգեպես: Անհնար է»,- ասել է մարզիչը։
Սիրարփի Աղաբաբյան
