Կոճապղպեղային յուղ էներգիայի, գեղեցկության և առողջության համար

Իր օգտակար հատկություններով զարմանալի այս արմատը կարող է էականորեն լավացնել ձեր տրամադրությունը, արտաքին տեսքն ու ֆիզիկական ինքնազգացողությունը: Այս մասին տեղեկացնում է gornnisa.ru կայքը:

Պատրաստման եղանակը՝

Անհրաժեշտ է հրակայուն բաժակ, քերիչ, պատրաստի յուղի համար տարա՝ ամուր փակվող կափարիչով:

Անհրաժեշտ բաղադրիչները՝

Թարմ կոճապղպեղ – 1 բաժակ

Ձիթայուղ – 1-1.5 բաժակ

Կոճապղպեղի արմատը լավ լվանալ, չորացնել: Քերել մանր քերիչով, դնել հրակայուն բաժակի մեջ, վրան լցնել ձիթայուղ, լավ խառնել:

Ջեռոցը տաքացնել մինչև 70 աստիճան, այս ջերմաստիճանի տակ խառնուրդը թրմել 2 ժամվա ընթացքում:

Սառեցնել, անցկացնել թանզիֆով, ամուր փակել կափարիչով:

Այսպիսի յուղը կարող է սառը տեղում պահվել 4-5 ամիս:

Կիրառման եղանակը՝

ա. հոգնածության և նյարդային վիճակի դեպքում

Հոգեկան հավասարակշռությունը վերականգնելու համար կոճապղպեղի յուղը շնչեք աջ ու ձախ քթանցքներով հաջորդաբար 2-3 րոպե:

Քսեք սրտի ռիթմի կետերին, ձեռքերի դաստակներին:

բ. դեմքի թարմ գույնի ու մանր կնճիռների նվազեցման համար

Այս յուղի 4 կաթիլը խառնել ձեր դեմքի գիշերային քսուքին: Օգտագործել գիշերը, քսել մաքուր մաշկին:

գ. մկանացավերի ու հոդացավերի դեպքում

Այս ցավերի դեպքում կոճապղպեղի յուղը փափուկ մերսող շարժումներով քսել ցավող հատվածին: Կես ժամ անց թեթևություն կզգաք:

Պատրաստեց 168.am-ը