Նշվել են 2021 թվականի սկզբի ամենահզոր սմարթֆոնները

5 նանոմետր պրոցեսորներով նոր սերնդի առաջատարներն արդեն վաճառքի են հանվել:

AnTuTu-ի՝ ամենահայտնի հենանիշերից մեկի մշակողները 2021 թվականի փետրվարին կազմել են ամենահզոր Android սմարթֆոնների վարկանիշը: Վերջին երեք ամիսների ընթացքում Snapdragon 888-ի առաջին սմարթֆոնները թողարկվել են, ուստի ցուցակը շատ է փոխվել՝ համեմատած նախորդ տարվա վերջի հետ:

Առաջին տեղը զբաղեցրել է iQOO 7 սմարթֆոնը Vivo-ից. այն վաստակեց ռեկորդային 727 հազար միավոր: Մնացած տեղերը պատկանում են ոչ միայն Snapdragon 888-ով սմարթֆոններին, կան նաև այլ չիպեր. նոր առաջատար լուծումներ Huawei-ի և Samsung-ի կողմից:

iQOO 7 (Snapdragon 888) – 727 հազար միավոր;

Xiaomi Mi 11 (Snapdraogon 888) – 708 հազար միավոր

Samsung Galaxy S21 Ultra (Snapdragon 888) – 680 հազար միավոր

Huawei Mate 40 Pro (Kirin 9000) – 654 հազար միավոր

Samsung Galaxy S21 + (Exynos 2100) – 646 հազար միավոր

Samsung Galaxy S21 Ultra (Exynos 2100) – 638 հազար միավոր

ASUS ROG Phone 3 (Snapdragon 865+) – 630 հազար միավոր

OPPO Find X2 Pro (Snapdragon 865) – 610 հազար միավոր

Samsung Galaxy S21 (Exynos 2100) – 601 հազար միավոր

OnePlus 8 Pro (Snapdragon 865) – 596 հազար միավոր

Կարող եք նկատել, որ այս ցուցակում նույն չիպով սմարթֆոնները կարող են կտրուկ տարբեր արդյունքներ ունենալ: Փաստն այն է, որ AnTuTu-ն գնահատում է ոչ միայն պրոցեսորի և գրաֆիկայի, այլ նաև այլ բաղադրիչների աշխատանքը: Հետևաբար, արդյունքների վրա մեծապես ազդում է հիմնական և օպերատիվ հիշողության արագությունը, ինչպես նաև էներգախնայողության ռեժիմների օպտիմալացումը և կարգավորումները:

Հարկ է նաև հասկանալ, որ հենանիշերի բարձր կատարողականի արդյունքները չեն երաշխավորում, որ սմարթֆոնը կաշխատի կայուն և առանց դանդաղեցման: Այս թեստերը ստուգում են սարքի հզորությունը` հատուկ հաշվարկներ կատարելու միջոցով:

Սիրարփի Աղաբաբյան