Ռուս զբոսաշրջիկների հետաքրքրությունը Թուրքիայի նկատմամբ աճում է
Թուրքիա այցելող ռուս զբոսաշրջիկների թիվը հետզհետե աճում է։ Այս մասին, ըստ ermenihaber.am-ի՝ տեղեկացնում է Ռուսաստանի տուրօպերատորների միությունը (ATOR)։
Միության հայտարարության մեջ արձանագրվել է, որ Թուրքիայի զբոսաշրջային քաղաքներում արդեն վերաբացվել են ռեստորաններն ոււ սրճարանները, իսկ հանգստյան օրերի համար նախկինում կիրառվող սահմանափակումները դադարեցվել են, ինչը նպաստել է թուրքական տուր–փաթեթների պահանջարկի աճին։
2021թ․ գարնան և ամռան ամիսների համար ռուս զբոսաշրջիկների կողմից Թուրքիայում արվող ամրագրումները հետզհետե ավելանում են։ Ենթադրվում է, որ եթե Թուրքիան ամռանը չեղարկի կորոնավիրուսի թեստի պարտադրանքը, ապա զբոսաշրջիկների թիվն ավելի կաճի։
