Սատանա է բռնում, ՀԴՄ կտրոն է ստուգում, այսօր էլ՝ մտավորական ինչ-որ փորձագետների է մասկի շոուներով այստեղ բերման ենթարկում․ Արման Սաղաթելյան

Քառյակ մեդիայի համահիմնադիր, վերլուծաբան Կարեն Բեքարյանը ՀՀ ազգային անվտանգության ծառայությունում է։ 168.am-ն ավելի վաղ տեղեկացրել էր, որ ԱԱԾ–ն խուզարկություն է իրականացնում Կարեն Բեքարյանի տանը։

Քառյակ Մեդիայի համահիմնադիր Արման Սաղաթելյանը ԱԱԾ շենքի առջև աշխատող մեր թղթակցի հարցին, թե զարմանալի չէ՞ արդյոք, որ ԱԱԾ մեկուսարան է բերման ենթարկվում Կարեն Բեքարյանը, պատասխանեց․ «Ոչինչ էլ զարմանալի չէ, ավելին Ձեզ ասեմ՝ այսօր ցանկացած մտածող մարդ, նույնիսկ մարդ, որը գուցե մտածում է և այդքան էլ հրապարակավ չի հայտնում իր մտածելու արդյունքները, մի գուցե շատ ավելի նեղ շրջանակում է այն ներկայացնում, այնուամենայնիվ, վտանգված է։ Ցանկացած մտածող մարդ այսօր երկրում վտանգված է։

Ցանկացած այլախոհ, այլ ընկալում ունեցող, այլ մտածելակերպ, անհամաձայն, այս կապիտուլյատան իշխանություններին ընդդիմախող ցանկացած ոք, այսօր կարող է հայտնվել այս իրավիճակում»։

Դիտարկմանը, թե գուցե այս կերպ իշխանությունը փորձում է վախեցնել, որ սպասվող հանրահավաքին չլինեն քաղաքացիներ, ընդդիամդիր գործիչներ, նա արձագանքեց․

«Ես չգիտեմ՝ իրենք ինչ են ուզում, որովհետև ես մի քանի անգամ հրապարակավ դրա վերաբերյալ արտահայտվել եմ, ես վաղուց հրաժարվել եմ ողջամտության և տրամաբանության շրջանակներում բացատրել այս կապիտուլյանտների գործողությունները կամ անգործությունը․ դա ուղղակի հնարավոր չէ և անիմաստ։

Իրենց իսկ ընկալումները կարող ենք պատկերացնել, այսինքն՝ դա ծանոթ ձեռագիր է, և այս կառույցը անընդհատ վերածել արդեն ռեպրեսիվ համակարգի՝ բուն իր գործառույթները թողած։

Դուք պատկերացնո՞ւմ եք, Բեքարյա՛նը․ մտավորական մարդ, փորձագետ, զանգահարել են, որ տուն ենք եկել խուզարկության, շտապել է տուն, և այդ դիմակավորված, զինված ինչ-որ․․․, այսինքն՝ ի՞նչ է սա, ի՞նչ կրկես է սա և ի՞նչ նպատակներ կարող է հետապնդել, Աստված գիտի։

Գիտեք, տուժողը այս կառույցն է․ սիրտս ցավում է, ես դա ամենայն անկեղծությամբ եմ ասում։ Ես լավ գիտեմ Անվտանգության Ծառայությունների պատմությունը, և դա հպարտության առարկա էր ինչպես նաև մեր ազատամարտի պատմությունները՝ և՛ երրորդ հանրապետության օրոք, և՛ Անկախության տարիներից ի վեր։ Այս կառույցում լեգենդար մարդիկ են աշխատել, լեգենդար օպերացիաներ են իրականացրել․ ինչի՞ են վերածել այս համակարգը, հասկանում եք․ սատանա է բռնում, ՀԴՄ կտրոն է ստուգում, կապիտուլյանտի գողացած դուխիներն է որոնում, այսօր էլ՝ մտավորական ինչ-որ փորձագետների է մասկի շոուներով այստեղ բերման ենթարկում։ Հասկանո՞ւմ եք՝ ինչ է կատարվում»։

Ի դեպ, քիչ առաջ 168.am-ը տեղեկացրեց նաև, որ խուզարկել են ՀՀ Ազգային ժողովի աշխատակազմի նախկին ղեկավար Արա Սաղաթելյանի բնակարանը, ապա նաև նրան բերման ենթարկել ԱԱԾ։

Մանրամասները՝ տեսանյութում