«Հանդիպումից հետո ես ձեր հարցերին կպատասխանեմ». Գագիկ Ծառուկյանը՝ Նիկոլ Փաշինյանի հետ հանդիպման մասին
Ինչպես ավելի վաղ ներկայացրել էինք` խորհրդարանում նախատեսված է Փաշինյան-Ծառուկյան հանդիպում: Չնայած ԲՀԿ-ական պատգամավորները չեն հստակեցնում, թե ինչ է քննարկվելու, սակայն, ըստ մամուլի, Փաշինյանը Գագիկ Ծառուկյանի հետ քննարկելու է արտահերթ ընտրությունների գնալու վերաբերյալ իր առաջարկած օրակարգը:
Քիչ առաջ ԱԺ ժամանեց Գագիկ Ծառուկյանը․ լրագրողները նրանից հետաքրքրվեցին, թե հանդիպելո՞ւ է արդյոք Նիկոլ Փաշինյանի հետ և ի՞նչ է քննարկելու։
«Հանդիպումից հետո ես ձեր հարցերին կպատասխանեմ»,- կարճ ասաց Գագիկ Ծառուկյանը:
Նշենք, որ Փաշինյանի հետ հանդիպումից առաջ տեղի ունեցավ նաև ԲՀԿ խորհրդի նիստ:
Հիշեցնենք, որ Գագիկ Ծառուկյանին ձերբակալելուց հետո, սա նրա առաջին այցն էր խորհրդարան:
