Time-ը «Տարվա մարդ» կոչումը շնորհել է Բայդենին և Հարիսին
ԱՄՆ-ի ընտրված նախագահ Ջոզեֆ Բայդենը եւ նախընտրական արշավում նրա զուգընկեր Քամալա Հարիսն արժանացել են «Տարվա մարդ» կոչման ըստ ամերիկյան Time հանդեսի վարկածի: Այդ մասին հայտարարվել է դեկտեմբերի 10-ին NBC հեռուստաընկերության հատուկ եթերի ժամանակ:
Ռոք-երաժիշտ Բրյուս Սփրինգսթինը ներկայացրել է պատվավոր կոչմանն արժանացածներին: «Գրեթե հարյուր տարի Time-ը «Տարվա մարդ» է հայտարարել: 2020 թվականին Time-ի վարկածով այդ կոչմանն արժանցել են ընտրված նախագանհ Ջո Բայդենը եւ ընտրված փոխնախագահ Քամալա Հարիսը»,- հայտարարել է ռոքերը: Հանդեսի գլխավոր խմբագիր Էդվարդ Ֆելզենթալը նշել է, որ կոչումն առաջին անգամ է շնորհվել ԱՄՆ-ի ընտրված փոխնախագահի: «Բայդենը եւ Հարիսն իրենցից մի դարակազմիկ բան են ներկայացնում»,- հավելել է նա: Բայդենը եւ Հարիսը շնորհակալություն են հայտնել՝ հայտարարելով, որ հանդեսի խմբագրության որոշումը պատիվ է իրենց համար: Կոչման շնորհումն այս տարի համավարակի պատճառով տեղի է ունեցել հեռավար ձեւաչափով:
Հավակնորդների նեկայացվելը, հաղթողների հրապարակումը եւ նրանց ելույթները վաղօրոք տեսագրվել են: Time հանդեսի գնահատմամբ՝ Բայդենը «Միացյալ Նահանգների 46-րդ նախագահ է հայտարարվել պատմական եւ աննախադեպ ընտրությունների ժամանակ: Հանդեսը երկրի նախկին փոխնախագահին ըստ արժանվույն է հատուցում, որ նա նոյեմբերին կայացած նախագահական ընտրություններում հավաքել է ամենամեծ թվով ձայներն ԱՄՆ-ի պատմության մեջ՝ գերազանցելով պետության 44-րդ նախագահ Բարաք Օբամայի ռեկորդը: 2019 թվականին Time-ի վարկածով «Տարվա մարդ» է դարձել 16-ամյա էկոակտիվիստուհի Գրետա Թունբերգը, հաղորդել է ՏԱՍՍ-ը:
