Երևան-Բաքու թռիչքի մանրամասները Քաղավիացիայի կոմիտեն խնդրում է ճշտել ԱԳՆ խոսնակից
168.am–ը երեկ տեղեկացրել էր, որ համացանցում և տելեգրամի ալիքներում տարբեր օգտատերերի կողմից տարածում է Երևան-Բաքու թռիչքի ուղեգծի սքրինշոթեր տարբեր ավիակայքերից:
Երեկ 168.am-ը փորձել էր նաև թռիչքի մասին տեղեկություններ ստանալ Քաղավիացիայի կոմիտեի պետ Տաթևիկ Ռևազյանից: Զանգերը մնացել էին անպատասխան: Այսօր Քաղաքավիացիայի կոմիտեի պետի օգնական Ժենյա Տեր-Վարդանյանը մասնավորապես հայտնեց.
«Ես պետք է խնդրեմ՝ կոնկրետ այդ դեպքի հետ կապված բոլոր հարցերով Դուք դիմեք Արտաքին գործերի նախարարի մամուլի խոսնակ Աննա Նաղդալյանին»:
Մեզ հետ զրույցում Աննա Նաղդալյանն էլ տեղեկացրեց, որ մեկնաբանությունը կլինի օրվա ընթացքում:
