ՀՖՖ-ն կազմակերպում է կանանց ֆուտզալի բաց առաջնություն
Հայաստանի ֆուտբոլի ֆեդերացիան կազմակերպում է կանանց ֆուտզալի բաց առաջնություն։ Այս մասին հայտնում է ՀՖՖ-ն: Առաջնությունն անցկացվելու է երեք՝ մինչև 12, մինչև 15 և 15-ից բարձր տարիքային խմբերի համար։
Այն կմեկնարկի դեկտեմբերի 13-ին` ՀՖՖ տեխնիկական կենտրոն/ֆուտբոլի ակադեմիայում։ Հանդիպումները կանցկացվեն շրջանային մրցակարգով։ Թիմերը պետք է բաղկացած լինեն առնվազն 6 մասնակցից։ Մասնակցության համար պետք է լրացնել առցանց դիմում հայտը մինչև դեկտեմբերի 7-ը։
