Moderna-ն հայտարարել է կորոնավիրուսի պատվաստանյութի՝ մոտ 95 տոկոս արդյունավետության մասին
Նուբար Աֆեյանին պատկանող Moderna ընկերության նախնական տվյալներով՝ Covid-19-ի իրենց նոր պատվաստանյութը գրեթե 95 տոկոս արդյունավետություն է ցույց տվել: Այս մասին հայտնում է BBC-ն:
Այդ արդյունքները չեն զիջում Pfizer ընկերության գրանցած արդյունքներին և ավելի մեծ վստահություն են ներշնչում, որ պատվաստանյութերը կօգնեն վերջ տալու համավարակին:
Երկու ընկերություններն էլ իրենց պատվաստանյութերը մշակելիս օգտագործել են խիստ նորարարական և փորձարարական մոտեցումներ: Moderna- ն ասել է, որ «հիանալի օր» է, և իրենք մտադիր են առաջիկա մի քանի շաբաթվա ընթացքում դիմել պատվաստանյութը օգտագործելու հաստատում ստանալու համար: Այնուամենայնիվ, սա դեռ նախնական տվյալ է:
Փորձարկմանը ԱՄՆ-ում մասնակցել է 30 հազար մարդ:
