Սիսիան-Երևան ավտոճանապարհին կողաշրջված ավտոմեքենայի երկու ուղևորները հոսպիտալացվել են
Սյունիքի մարզային ճգնաժամային կառավարման կենտրոնը նոյեմբերի 16-ին, ժամը 16։19-ին ահազանգ է ստացել, որ Սիսիան-Երևան ավտոճանապարհի 14-րդ կմ-ին տեղի է ունեցել ՃՏՊ:
Դեպքի վայր է մեկնել ԱԻՆ փրկարար ծառայության մարզային փրկարարական վարչության հրշեջ-փրկարարական ջոկատի մեկ մարտական հաշվարկ։
Պարզվել է, որ «Mercedes-Benz» մակնիշի ավտոմեքենան (վարորդ՝ Վարդան Հ․, ծնված 1976 թ․) դուրս է եկել ճանապարհի երթևեկելի հատվածից և կողաշրջվել։ ՃՏՊ-ի հետևանքով ուղևորներ Մարտիկ Մ․-ն (ծնված 1974 թ․) և Դանիել Մ․-ն (ծնված 2001 թ․) հոսպիտալացվել են Սիսիանի բժշկական կենտրոն, որտեղ բժիշկները նրանց առողջական վիճակը գնահատել են միջին ծանրության։
Փրկարարները հոսանքազրկել են ավտոմեքենան։
