Սասուն Միքայելյանի վիճակն այս պահի դրությամբ բավարար է. հետվիրահատական-վերականգնողական փուլում է
Արցախում հոկտեմբերի 19-ին վիրավորված ԵԿՄ նախագահ Սասուն Միքայելյանն այս պահին հետվիրահատական բուժում է ստանում «Հերացի» թիվ 1 համալսարանական հիվանդանոցում: Տեղեկությունը 168.am-ի հետ զրույցում հայտնեց Երևանի պետական բժշկական համալսարանի աշխատակազմի ղեկավար Շուշան Դանիելյանը:
«Վիճակն այս պահի դրությամբ բավարար է: Հետվիրահատական-վերականգնողական փուլում է գտնվում»,- ասաց Շուշան Դանիելյանը՝ հետագայում չբացառելով նաեւ հնարավորությունը, որ ԵԿՄ նախագահը բուժումը կշարունակի «Հայրենիքի պաշտպան վերականգնողական կենտրոնում»:
