Մեծ Բրիտանիան բարձրացրել է ահաբեկչական սպառնալիքի մակարդակը
Ահաբեկչության վերլուծության միացյալ կենտրոնը Մեծ Բրիտանիայում ահաբեկչական սպառնալիքի մակարդակը «էական»-ից բարձրացրել է «լուրջ»-ի: Նոյեմբերի 3-ին «Թվիթեր»-ի իր էջում այս մասին հայտարարել է Միացյալ Թագավորության ներքին գործերի նախարար Փրիթի Պատելը:
«Դա նախազգուշական միջոց է, եւ այն հիմնված չէ որեւէ կոնկրետ սպառնալիքի վրա: Հանրությունը պետք է շարունակի զգոնություն ցուցաբերել եւ ոստիկանությանը հայտնել ցանկացած կասկածելի գործողության մասին»,- գրել է Պատելը:
