Թրամփը հայտարարել է ֆաշիզմի և կոմունիզմի նկատմամբ ԱՄՆ հաղթանակի մասին
ԱՄՆ նախագահ Դոնալդ Թրամփը կրկնել է, որ հենց ԱՄՆ-ն է հաղթել երկու համաշխարհային պատերազմներում, «ջախջախել ֆաշիզմը և կոմունիզմը»: Այս մասին նա ասել է այս հոկտեմբերի 30-ին Վիսկոնսինում կողմնակիցների առջև ունեցած ելույթի ժամանակ:
«Մենք ապավինում ենք ամերիկյան հերոսներին, ովքեր հատել են օվկիանոսները, բնակեցրել մայրցամաքը, նվաճել վայրի բնությունը, կառուցել երկաթուղիներ, բարձր երկնաքերեր, հաղթել երկու համաշխարհային պատերազմներում, հաղթել ֆաշիզմին և կոմունիզմին և Ամերիկան դարձրել աշխարհի պատմության մեջ միակ ամենամեծ երկիրը», – հայտարարել է Թրամփը։
Հիշեցնենք, որ Հաղթանակի օրվա նախօրեին Թրամփի վարչակազմը Instagram-ում տեղադրել էր կարճ տեսանյութ, որում գովում էր Երկրորդ համաշխարհային պատերազմում Միացյալ Նահանգների ու Մեծ Բրիտանիայի վաստակը: Վաշինգտոնը նախընտրել էր լռել նացիստական Գերմանիայի դեմ տարած հաղթանակում ԽՍՀՄ հիմնական դերի մասին:
