«Պետք է հարկադրանքի մեթոդներ կիրառել զինվորական ծառայությունից խուսափածների նկատմամբ». Բորիս Առուշանյան
Ռազմական դրության պայմաններում պետք է հարկադրանքի մեթոդներ կիրառել զինվորական ծառայությունից խուսափածների կամ հայրենիքի նկատմամբ իրենց պարտքը չկատարածների նկատմամբ: 168.am-ի հետ զրույցում ասաց Արցախի Հանրապետության քաղաքացիական ծառայության խորհրդի նախագահ Բորիս Առուշանյանը:
«1992-1994-ին մենք այդպես ենք վարվել: Եվ բոլորովին պարտադիր չէ բոլորին առաջնագիծ տանել, այլ յուրաքանչյուրին ըստ կարողության առաջադրանք տալ, հաշվի առնել նրանց պիտանիության աստիճանը: Անհրաժեշտ են տարբեր մասնագետներ, թիկունքային աշխատողներ համապատասխան կենսապահովման օբյեկտներում»,- նշեց նա:
