Արցախի նախագահը Ջալալ Հարությունյանին հանձնել է գեներալ-լեյտենանտի զինվորական ուսադիրները
Արցախի նախագահ Արայիկ Հարությունյանը այցելել է Պաշտպանության բանակի մարտական կառավարման կենտրոն և բարձրաստիճան հրամկազմի ներկայությամբ նախարար Ջալալ Հարությունյանին հանձնել գեներալ-լեյտենանտի զինվորական ուսադիրները:
Արայիկ Հարությունյանը այս մասին գրել է «Ֆեյսբուք»-ի իր էջում և տեղադրել միջոցառման տեսանյութը:
«Ջալալ Հարությունյանը արժանացել է այս կոչմանը վերջին 19 օրվա պատերազմական գործողություններում փայլուն իրականացած ղեկավարության համար»,- ասել է Հարությունյանը:
Արցախի նախագահի նշել է նաև, որ պատերազմն, իհարկե, չի ավարտվել, բայց մարտունակության, արհեստավարժության, վճռականության և հայրենասիրության այն բարձր մակարդակը, որն ունի Պաշտպանության բանակը, վստահություն և ոգևորություն է ներշնչում:
https://www.facebook.com/ArayikHarutyunian/videos/707403616548024
