«Եթե նախկինում հող էին հանձնում էդ ինչո՞ւ ալիեւը 2016-ին պատերազմ սկսեց»․ Շարմազանովը՝ իշխանություններին
Էդուարդ Շարմազանովը ֆեյսբուքյան իր էջում գրում է․ «Հանրապետականը շատ պարզ ու հստակ հայտարարել է, որ պատերազմի պայմաններում սառեցնում է ներքաղաքական օրակարգը եւ իր ներուժով սատար է կանգնում մեր բանակին, Հայաստանին ու Արցախին։
Մինչդեռ, անտեսելով այս ամենը, այսօր ԱԺ միջանցքներում իշխանության ներկայացուցիչը հղումներ է անում ալիեւին, թե նախկին իշխանությունը հարմար բանակցող էր ու պատրաստ էր հողերը հանձնել։
Եթե ալիեւի ասածներն այդքան հիմք են, բա թող հարցնեն՝ եթե հանձնում էին հողերը, էդ ինչու՞ ինքը չվերցրեց։ Ավելին, նույն ալիեւն էր 2016-ի հոկտեմբերին ասում, որ բանակցությունների դռների հետեւում իրեն ճնշում էին՝ ճանաչել Արցախի անկախությունը։
Եթե նախկինում հող էին հանձնում էդ ինչո՞ւ ալիեւը 2016-ին պատերազմ սկսեց։
Այո, անկախ ամեն ինչից ցանկացած պատերազմի լուծում ավարտվում է բանակցություններով, իսկ արդյունավետ բանակցելու համար անհրաժեշտ են խելք եւ գիտելիքներ։
Արցախը չի լինելու Ադրբեջանի կազմում»։
Հանրապետականը շատ պարզ ու հստակ հայտարարել է, որ պատերազմի պայմաններում սառեցնում է ներքաղաքական օրակարգը եւ իր ներուժով…
Gepostet von Էդուարդ Շարմազանով Eduard Sharmazanov am Freitag, 9. Oktober 2020
