«Դեռ հարց է՝ Հայաստանի հատվածի՞ց է, Արցախի՞ց, թե՞ ընդհանրապես այլ պատերազմի մասին է տեսանյութը». Արծրուն Հովհաննիսյան
Քիչ առաջ ապատեղեկատվություն տարածվեց ադրբեջանական կողմից, որ իբր ՀՀ որոշ շրջաններից հրթիռակոծվում են ադրբեջանական նշանակետերը, ՀՀ ՊՆ ներկայացուցիչ Արծրուն Հովհաննիսյանը ճեպազրույցի ժամանակ հայտարարեց՝ դա ապատեղեկատվություն է:
«Այն տեսանյութը, որը փորձել են ներկայացնել որպես ապացույց, որևէ բան չի հաստատում, թե որտեղից են կիրառվում հրթիռային հարձակումները: Դեռ հարց է՝ դա Հայաստանի՞ հատվածից է, Արցախի՞ց, թե՞ ընդհանրապես այլ պատերազմի մասին է տեսանյութը:
Մի ուշագրավ բան նկատենք. շատ հաճախ Արցախի որոշ շրջաններ ուղղակի կամ անուղղակի ճանաչվում են որպես Հայաստանի մաս: Արդեն որերորդ անգամ այս գիծը տարվում է ադրբեջանական լրատվամիջոցներում»,-ասաց նա:
