«Որոշ շարժեր տեսնում ենք, հակառակորդը որոշակի գործողություններ կատարում է` հետախուզական, սադրիչ, բայց ամեն ինչը հստակ վերահսկվում է». Հովհաննիսյանը` հայ-ադրբեջանական սահմանի մասին
Հայ-ադրբեջանական սահմանին թեժ մարտեր չկան: Լրագրողների հետ ճեպազրույցի ընթացքում ասաց ՀՀ ՊՆ ներկայացուցիչ Արծրուն Հովհաննիսյանը:
«Բնականաբար, որոշ շարժեր տեսնում ենք, հակառակորդը որոշակի գործողություններ կատարում է, հատկապես, հետախուզական, կամ ասենք սադրիչ ինչ-որ գործողություններ: Այդ ամեն ինչը հստակ վերահսկվում է, կանխվում է: Մեր զինված ուժերն այստեղ էլ իրենց խնդիրը կատարում են շատ բարձր մակարդակով»,- նշեց նա` հավելելով, որ զգուշություն պետք է պահել, բայց չպետք է խուճապի մատնվել օդային տագնապներից:
