Անմիջապես դադարեցնել ռազմական գործողությունները. ՌԴ, ԱՄՆ և Ֆրանսիայի ղեկավարների հայտարարությունը
ՌԴ, ԱՄՆ և Ֆրանսիայի նախագահներ Վլադիմիր Պուտինը, Դոնալդ Թրամփն ու Էմանուել Մակրոնը համատեղ տարածած հաղորդագրության մեջ Հայաստանի և Ադրբեջանի ղեկավարությանը կոչ են արել վերսկսել Լեռնային Ղարաբաղի հարցով բանակցություններն առանց նախնական պայմանների: Այս մասին տեղեկացնում է tass.ru-ն:
«Մենք Հայաստանի և Ադրբեջանի ղեկավարներին կոչ ենք անում անհապաղ պարտավորություն ստանձնել բարեխղճորեն և առանց նախապայմանների վերսկսկել բանակցությունները հակամարտության կարգավորման էության ուղղությամբ ԵԱՀԿ Մինսկի խմբի համանախագհների աջակցությամբ»,-ասվում է ԵԱՀԿ Մինսկի խմբի համանախագահ երկրների առաջնորդների հայտարարության մեջ:
Նախագահներ Վլադիմիր Պուտինը, Դոնալդ Թրամփն ու Էմանուել Մակրոնը համարում են, որ պետք է անհապաղ դադարեցնել Լեռնային Ղարաբաղում ընթացող մարտական գործողությունները:
«Մենք կոչ ենք անում անհապաղ դադարեցնել մասնակից կողմերի զինված ուժերի միջև ռազմական գործողությունները»,-ասված է երեք երկրների համատեղ հայտարարության մեջ:
Պատրաստեց 168.am-ը
